Ég hef unnið í leirmótun frá unga aldri og alltaf verið heilluð. Síðustu ár hef ég heillast enn meira af leirnum og fundið leiðir fyrir mig til að efla mig í mótun og prófað mismunandi aðferðir, bæði í hábrennslu og lágbrennslu. Undanfarið hef ég unnið mikið í leirmótun og leirrennslu. Ég hef gert tilraunir með jarðleir, steinleir, villtan íslenskan jarðleir, prent á leir og raku brennslu.

Ég hef farið á ýmis námskeið í gegnum tíðina, meðal þess sem ég hef lært síðustu ár er leirmótun í meistaranámi mínu við HÍ, leirrennslu í Myndlistaskóla Kópavogs og Tortus School í Kaupmannahöfn. Árið 2026 tók ég þátt í verkefninu Leirfjörður, sem haldið var í Netagerðinni á Ísafirði og á Vestfjörðum.

Hér er hægt að kaupa handgerða leirmuni eftir mig, ýmsar vörur til listsköpunar og fleira.

Í minni sköpun sæki ég í innblástur til íslenskrar náttúrunnar og menningar á vissan hátt. Nota ég til þess liti, form og vísun í plöntur og dýr sem tengjast íslenskri menningu og sögu.

Ég er með vinnustofu á Þúfu 46, sem er staðsett í Gránufélagsgötu 46, Akureyri og þar er hægt að sjá fleiri muni eftir mig.